Panyot Geutanyoe Ka Len Lom

Meninggalnya dua ulama besar Aceh meninggalkan duka mendalam bagi masyarakat Aceh. Banyak di antara mereka menumpahkan kesedihannya di media sosial, seperti yang dilakukan Akhbar Almutawassila. Ia menuliskan syair atau cae di akun Facebook-nya sebagai wujud kesedihan dan belasungkawa.

Penulis asal Lhokseumawe itu kerap memposting syair-syair indah di beranda Facebook. Berikut bait-bait syair yang sangat menggugah hati yang ditujukan untuk Abon Seulimuem dan Abuya Djamaluddin Waly.

PANYOT GEUTANYOE KA LEN LOM
(Ca-e : Doa keu Abon Seulimum & Abuya Jamal)

Innaalillahi, bak awai rampoe
Hatee meucawoe, lon tuleh rika
Ngon subhanallah, tanyoe pujoe Poe
Keu Nabi Duoe, rahmat sijahtra
–
Uroe Jumeu'at, Hameh ka baroe
Bumoe Aceh nyoe, Allah geucuba
Dua 'Ulama, nyang peukong nanggroe
Allah peusahoe, lam Alam Baqa 
–
Bumoe meuhayak, lam dua uroe
Ka geuwoe bak poe, dua 'ulama
Mantong ureung nyan, tanyoe meu awoe
Pulom keuh dudoe, leubeh lom Lagha
–
Para 'Ulama ureung, nyang peugoe
'Oh watee tuwoe, di manusia
Ureung peuteupat, watee meucawoe
Jinoe sidroe-droe, Allah peugisa
–
Allah peutamong, lam laen nanggroe
Ka jiklik bumoe, reudok keu tanda
Ka Len lom panyot, teurasa jinoe
Adak peugantoe, leumah gohlom na
–
'Ulama “Labang”, mangat koeng nanggroe
“Gunong” geutanyoe, nak “timang” donya
Hanyalah do'a, tanyoe peusampoe
Abu Dua droe, beu asoe Syurga
–
Neubri Yaa Allah, guree di kamoe
Kubu neusiboe, Rahmat jiteuka
Beu keubon Syurga, neulimpah hai poe
Meubek keuh sampoe, Lubang Nuraka
–
Beuneupeucahya, kubu ureung nyoe
Awai ngon dudoe, luwah leumpahna
Beuneubri saba, aneuk ngon cucoe
Beuneubri gantoe, wareh ambiya
–
Kamoe yang tinggai, beuna teupeugoe
Meupeusiap droe, 'oh mawot teuka
Jawong keulua, beulam got uroe
Jum'at beusampoe, Lagee Abuya
–
Meukru seumangat, beubagah jiwoe
Seumangat kamoe, E Yaa Rabbana
Aamin Yaa Allah, neu Aaminn sigoe
Mangat meusahoe, sigahla do'a